Историја и Развој

ЈЗУ Специјална болница за ортопедија и трауматологија "Св. Еразмо" - Охрид е формирана на 19.07.1950 год. како Специјална болница за косно - зглобна туберкулоза. Низ повеќегодишниот стручен, кадровски, просторен, технички и економски развој во болницата се создадоа услови за лекување на сите ортопедско трауматолошки заболувања. Во 1988 година прерасна во Институт за ортопедија и трауматологија.

Закони и Регулации

Со усогласување на Законот за здравствена заштита, а со Одлука на Собранието на Република Македонија од 18.05.1995 година го менува називот во Јавна здравствена организација "Специјална болница за ортопедија и трауматологија" Охрид, а во 2000 година го доби и називот "Св. Еразмо".

Услуги и Третмани

ЈЗУ Специјална болница за ортопедија и трауматологија "Св. Еразмо" Охрид осигурува третман на сите заболувања на локомоторниот апарат вклучувајќи медикаментозен - хируршки, конзервативен третман и третман со физикална терапија и рехабилитација. Ова вклучува:

• Аномалии на локомоторниот систем
• Заболувања на 'рбетот
• Оперативни интервенции на колк и колено
• Колено-артроскопски и слични интервенции
• Неспецифични и специфични воспалителни заболувања
• Згрижување на сите видови скршеници
• Издолжување на екстремитетите
• Оперативни зафати од урологијата и пластичната хирургија
• Церебрална парализа
• Третман со физикална терапија
• Рехабилитација

Организација

ЈЗУ Специјална болница за ортопедија и трауматологија "Св. Еразмо" Охрид е организирана во медицински отсеци и одделенија:

• Ортопедско-трауматолошки женски медицински отсек
• Ортопедско-трауматолошки машки медицински отсек
• Ортопедско-трауматолошки детски медицински отсек
• Ортопедско-трауматолошки женски медицински отсек за параплегија
• Ортопедско-трауматолошки машки медицински отсек за параплегија
• Медицински отсек за церебрална парализа
• Нови објекти со посебен стандард
• Медицински отсек - оперативен блок
• Медицински отсек за интензивна нега и реанимација
• Медицински отсек за физикална терапија
• Медицински отсек - амбуланти
• Медицински отсек РТГ, КТ и ехо
• Медицински отсек биолабароторија
• Медицински отсек за ЕЕГ и ЕМГ
• Административни одделенија
• Одделение за припрема на храна и веш
• Одделение за техничко одржување

Раководење и Управување

Со јавната здравствена установа раководи Директор, назначен од Министерот за здравство. Со медицинските отсеци раководат раководители на медицински отсек, а со оделенијата одговорни на одделенија. Управниот одбор е составен од пет членови, два од кои се избрани од стручниот колегиум и тројца од Владата на Република Македонија.

Кадар

ЈЗУ Специјална болница за ортопедија и трауматологија "Св. Еразмо" Охрид располага со проверен и професионален кадар од 42 лекари и друг медицински персонал. Вкупниот број на вработени е 268, со просечна старост од 49.51 години.

Опрема и Капацитети

Болницата располага со модерна опрема и 237 болнички кревети, операциони сали, сали за интензивна нега, амбуланти, и комплетен информатички систем. Третманот на пациентите се врши екипно со висококвалификуван кадар.

Награди и Признанија

Во 2009 год., болницата беше прогласена за најуспешна во доменот на економско-финансовото работење. Лекувани се 3892 стационарни пациенти, 24055 амбулантски пациенти и извршени се 1633 операции.

Индикатори

Соработка и Усовршување

Болницата активно соработува со Клинички центар Скопје, лекари од Република Албанија и Косово, како и со други еминентни клиники од Балканот и пошироко. Организира стручни престои и размена на стручњаци со реномирани ортопедски центри во Европа и САД.

• Интезивна соработка со Клинички центар Скопје
• Продолжување на соработката со лекари специјалисти од Република Албанија и Косово заради проширување на соработката преку организирање на стручни конференции
• Поврзување во функција взаемна соработка со други еминентни клиники од Балканските простори и пошироко заради проширување на содржините (здравствен туризам, оперативни зафати, лекување, едукации и сл.)
• Стручни престои во реномирани ортопедски центар во Европа и УСА и размена на стручњаци

Посебен акцент е даден во усовршувањето и доедукација на:

• усовршување во областа на артроскопијата
• ендопротетика на колк, колено и зглоб, и ревизии
• ендопротетика на рамо, лакат, шака, прсти
• спинална симулација на 'рбет
• конзервативно и оперативно лекување на деформитетите на 'рбетот (сколиози и кифози)
• егализација и елонгација на екстремитетите по методите на Професор Илизаров
• специфични и неспецифични инфекции на локомоторниот систем
• рана дијагностика и лекување на вродените аномалии на локомоторниот систем
• дијагностика и лекување на церебрална парализа
• траума на локомоторниот систем и секвели од траумата
• рехабилитација на параплегични и хемиплегични болни